منتديات ضـــي القمــــــــر


 
الرئيسيةالبوابةمكتبة الصورس .و .جبحـثالتسجيلدخول

شاطر | 
 

 طلعت فوق السطوح هز الهوا كمي ...كل البنات اتجوزت و انا قاعده

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الملاك العربي
طاقــم الإدارة
طاقــم الإدارة
avatar

انثى
عدد الرسائل : 210
العمر : 37
تاريخ التسجيل : 28/08/2007

مُساهمةموضوع: طلعت فوق السطوح هز الهوا كمي ...كل البنات اتجوزت و انا قاعده   2007-09-05, 8:17 am

طلعت فوق السطوح هز الهوا كمي ...كل البنات اتجوزت و انا قاعده جنب أمي

الموضوع دة حقيقى يا جماعة

ويهم كل البنات


والكلام مش للبنات بس لأ للشباب علشان يشوفو اللي بيحصل ويدونا العذر أحنا كمان
الله يكون في عونهم يعني في اللي هما فيه في الزمن ده برضو

سموا كده و خليكوا معايا واحدة واحدة...خلينا نتفق الأول ان موضوع الجواز و العرسان و تأخر الجواز ده موضوع حساس جدا..وصعب جدا انكوا تلاقوا حد بيتكلم فيه بصراحة..خصوصا بالنسبة للبنات....لأن اللي بتتكلم فيه بصراحة يا إما بيتبصلها على إنها قليلة الأدب و ماتربتش ..يا إما على انها مسروعة ع الجواز ..يا إما على انها بارت و مش لاقيه حد يتجوزها..عشان كده تلاقوا بنات كتير بتقول ..
جواز ايه بلا نيلة ..يعني هم اللي اتجوزوا كانوا خدوا ايه...انا قاعده في بيت أبويا معززة مكرمة ,ايه اللي يخليني أروح أتبهدل مع حد ماعرفوش..أنا ما بافكرش في الجواز دلوقتي لما أبني مستقبلي ..و الجملة المستهلكة في كل الأفلام العربية .."لما أحقق ذاتي ""
...مش عارفه ايه ذاتها دي و تحققها ازاي يعني
يمكن فيه بنات كتير ليهم طموح في دراستهم و في شغلهم ..لكن أتحدي ان أي واحدة فيهم مايكونش طموحها الأول انها تبقى زوجه ..على الأقل لأن دي الطريقة الوحيده اللي تخليها تبقى أم





نتفق بقه على أسس تانية مهمة ....عدد البنات في مصر أكبر من عدد الرجاله


دي نقطة أساسية مش عايزة أي حد يناقشني فيها ( البلوج ده مش ديمقراطي على فكرة) ..و سيبوكوا بقه من إحصائيات الحكومة اللي بتقولك عدد الإتنين زي بعض ..لأن دي إحصائيات عاملة بالظبط زي درجات الحرارة اللي بيعلنوها في النشرة ..يعني الناس بتحلف بالطلاق ان الحرارة أكيد فوق ال 45 ..و هما لا يمكن يزودوها عن 38..أنا ليا واحد صاحب بابا قاللي ممنوع يزيعوا ان الحرارة فوق ال42
عشان السياحة ماتنضربش و السياح مايهربوش




موضوع نسبة الإناث للذكور برده فيها لعب بالطريقة دي..ليه بقه النسبة أكبر؟ أقولكم




موضوع الستات اللي بيقعدوا يخلفوا عشان يجيبوا الولد..يعني فيه عائلات كتيرة تلاقيها كده..4 بنات وولد..5بنات وولد..6 بنات وولد ..و هكذا...و تفضل الست تخلف تخلف عشان البأف جوزها يجيله الواد..يجيبوا يعمل بيه ايه؟ ماتعرفش ..و بيجي في الآخر خايب و نايب و يقعدوا يدلعوا فيه لما يطلع فسدان و يضيعهلم اللي وراهم و اللي قدامهم و اللي جنبهم كمان...ما علينا ده موضوع تاني..بس أي حد بيدرس أو درس في أي كلية في جامعات مصر هيلاحظ ان عدد البنات في أي كلية أكبر من عدد الولاد ..في كليتي مثلا كانوا تلتين العدد بنات و التلت ولاد ..يعني الضعف




نقطة تانية ..الرجالة بقوا حاسين بنفسهم و بيتكبروا على خلق الله من البنات ( يقعدلهم في عينهم و عافيتهم يا رب ) و تلقي الراجل قاعد هو و أمه يتشرطوا ...لازم تبقى بيضا و شعرها بني و عينيها عسلي و شبه نيللي كريم ..الله يخرب بيوتكم طب بص لنفسك يا خويا في المرايه الأول ..طب بلاش بيقولوا الراجل مايعيبوش الا جيبه ..طب شبرقنا كده و ادخل في ايدك انشالله علبة ملبس ..ألا لأ البعيد هو و امه يروحوا يشوفوا العروسة الغلبانه اللي أهلها صارفين عليها الشئ الفلاني و مكلفين قعدة التعارف دي شئ و شويات ..رايحين إيد ورا و إيد قدام ..و البت مافيهاش أي عيب و يقولولكم ..لأ أصلها مش شبه نيللي كريم قوي ..دي قالبه شوية على نجلاء فتحي و انا مابحبش النوع ده ..تقولش حسين فهمي رايح يتقدم للبت






لأ و الأفراح ..نككككتة..زمان كنتوا تشوفوا في الأفلام العربي أي بنت تدخل فرح و هي لابسه شيك كده شوية ..يتلموا عليها الشبان و يبقوا عايزين ياكلوها .. و ما تخرجش م الفرح إلا بعريس..دلوقتي نفس التجمعات بس بالعكس ...تلاقي كل أم قاعده هي و بناتها مراقبين الشباب و ياويله اللي يعدي جنبهم...طارق ..إزيك يا ولد ..مش تيجي تسلم على بنات خالتك شوف بقوا حلوين إزاي؟...أنا مش طارق يا طنط و أنا متهيألي كده حضرتك مش خالتي ...صحيح؟ معلش يا حبيبي العتب ع النظر طب ما تعرفنا على نفسك كده ..يمكن ربنا يحبك و يبقالك نصيب معانا




طبعا الواد يا إما بيطلع يجري ..يا إما حد من صحابه بياخد باله م الكمين اللي وقع فيه ويجي ينقذه على أساس في حد عايزة و كده




طبعا ده غير اللف اللي بيقعدوا البنات يلفوه حوالين العروسة عشان يبقوا واضحين لكل اللي في القاعة من كل الجهات ..و لما بيقف اللف تلاقيهم يزقوا في بعض أو يعملوا انهم بيعدلوا للعروسة فستانها أو طرحتها عشان يطلعوا في الفيديو..و يحاولوا يطلعوا في أكبر عدد ممكن من الصور ..يمكن يعجبوا حد و يتكل على الله و ينتشلهم من عالم الآنسات







الكلام ده كله على فكرة مش المفروض تضحكوا عليه..و الله البنات دول غلابة ..زمان ما كانش مطلوب من أي بنت غير انها تحترم نفسها و تقعد في بيت أبوها و تستنا العدل اللي بيكون في الغالب من إختيار أهلها


دلوقتي الكورة بقت في ملعب البنات ..يعني لازم تخرج و تشتغل و تروح أفراح و تزور أصحابها لأن مسؤلية إحضار عريس بقت ملقاه على عاتقها بالكامل ..أنا أعرف حالات كتيرة أهل البنات بيتخانقوا معاهم خناقات لرب السما عشان يخرجوا و يشتغلوا يا إما عمرهم ما هيتجوزوا .. و م الجهة التانية المجتمع في حالات كتير و خصوصا خارج القاهرة و الأسكندرية مابيرحمش أي بنت تخرج مع راجل عشان تتعرف عليه و يمكن يبقى فيه نصيب ..ده غير ان الراجل نفسه في الغالب ما بيرضاش بيها و يقولك عايز واحدة خام لا خرجت و لا اتكلمت مع حد غيري





طب بذمتكوا البنات يعملوا ايه...ده غير العداد اللي بيعد من أول ماتتخرج من الجامعه ...يعني البنت تعتبر بدأت تعنس من أول ما يعدي عليها سنتين أو تلاتة متخرجه و لسه ماتخطبتش


أنا شخصيا بدأت أحس اني هاعنس من أول ما كملت 20سنة..طب نعمل ايه





بصراحة المجتمع المنيل اللي احنا عايشين فيه و اللي بيقيم البنت بجوازتها واللي تتجوز بسرعة تبقة شاطرة واللي تتأخر يبقى فيها عيب ..و ع الجهة التانية الراجل من حقه ينقي و يتشرط و يبقى مقطع السمكة و ديلها و يتقال عليه مفتح و مدقدق..و يبقى معدي الأربعين و من حقه يتجوز في أي وقت انشالله واحده عندها 18 سنة




المجتمع ده ظااالم و مفتري ..و البنات غلابه و الضغط عليهم بيزيد كل يوم والناس بتحاكمهم على حاجه مالهمش يد فيها






خليكوا معايا بقه ..م المرة الجايه كل بوست هاحكيلكم على بلوة م البلاوي اللي اتقدمولي ..عشان تعرفوا احنا بنستحمل أد إيه


وتحياتى ليكم
ويا ريت نبقى نشوف
انتو رايكم اية في اللي أنا قلته ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sad heart

avatar

عدد الرسائل : 81
العمر : 27
تاريخ التسجيل : 17/08/2007

مُساهمةموضوع: رد: طلعت فوق السطوح هز الهوا كمي ...كل البنات اتجوزت و انا قاعده   2007-09-05, 2:11 pm

موضوع مهم جداااا
بس انتى هزاتى الرجاله كتير
هااااااااااااااااا
بس مش كلهم كده
وانتى نظرتى للموضوع من جها واحده
مش البنات الى بيعانو بس
عيزه الرجاله يعملو ايه تلاقى واحد عدى الثلاتين ومش لاقى شغل
هيتقدم لوحده الزاى
ولى تلقيه مرستا نفسه بيحس انه يما هنا يما هناك
والسبب اهالى البنات
تلقيهم عيزينه كامل من كله شقه وعربيه وشليه فى مرينا
فا السبب مش فى البنات ولا الرجاله السبب فى المجتمع نفسه
انا مش برمى المشاكل على شماعه المجتمع بس ديه الحقيقه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الملاك العربي
طاقــم الإدارة
طاقــم الإدارة
avatar

انثى
عدد الرسائل : 210
العمر : 37
تاريخ التسجيل : 28/08/2007

مُساهمةموضوع: رد: طلعت فوق السطوح هز الهوا كمي ...كل البنات اتجوزت و انا قاعده   2007-09-05, 2:25 pm

يا تري قريت الكلمة ديه يا مصطفي كويس
(
والكلام مش للبنات بس لأ للشباب علشان يشوفو اللي بيحصل ويدونا العذر أحنا كمان
الله يكون في عونهم يعني في اللي هما فيه في الزمن ده برضو )
يعني انا ادتلكم العزر قبل ما ابدأ الكلام وبرضو بقول الله يكون في عون الشباب تاني وتالت
وربنلا يوفقكم جميعا بس هي وجهة نظر برضو

يا راجل بلا جواز بلا وجع قلب
الى جرب بيكلم نفسه فى الشارع والى مجربش هايموت يجرب عشان يدخل الخنكه
سيبها على ربنا
بس فين البنات
ايه مفيش جرأه ولا ايه
يعني انا بس هنا اللي جريئة ولا ايه يا جماعة طيب اكمل باقي مواضيعي يعني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
DEVIL
طاقــم الإدارة
طاقــم الإدارة
avatar

ذكر
عدد الرسائل : 335
العمر : 30
العمل/الترفيه : بشتغل نفسى
المزاج : VERY BAD
تاريخ التسجيل : 29/07/2007

مُساهمةموضوع: رد: طلعت فوق السطوح هز الهوا كمي ...كل البنات اتجوزت و انا قاعده   2007-09-06, 4:07 am

ههههههههههههههههه
جميييييييييييييييييل
الشباب والبنات
مظلومين
وبلدنا احلى بلد
والاحوال 100/100
والشغل فى كل حته
وانا متوقع انى اتجوز وانا عندى 150 سنه
لو وصلت للسن ده اصلن
ههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الملاك العربي
طاقــم الإدارة
طاقــم الإدارة
avatar

انثى
عدد الرسائل : 210
العمر : 37
تاريخ التسجيل : 28/08/2007

مُساهمةموضوع: رد: طلعت فوق السطوح هز الهوا كمي ...كل البنات اتجوزت و انا قاعده   2007-09-06, 9:11 am

اللهم آمين
رحم الله المسلمين والمسلمات
والمؤمنين والمؤمنات
الأحياء منهم والأموات
بس ما تنساش تعزمنا ساعتها يا مصطفي
ولا صحيح انت هتبقا واعي يعني للدنيا
بس مين الهبلة ديه اللي هترضي بواحد عجوز زيك
هههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
DEVIL
طاقــم الإدارة
طاقــم الإدارة
avatar

ذكر
عدد الرسائل : 335
العمر : 30
العمل/الترفيه : بشتغل نفسى
المزاج : VERY BAD
تاريخ التسجيل : 29/07/2007

مُساهمةموضوع: رد: طلعت فوق السطوح هز الهوا كمي ...كل البنات اتجوزت و انا قاعده   2007-09-07, 2:05 am

اكيد هتكون بنوته فى سن الشباب
بتلعب مع الناشئين تحت سن
140سنه
على الاقل ممكن البس دبل
وروح مع الى راحوفى 67
ههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dm3tain
مشرفـة المنتدي الاسلامي
مشرفـة المنتدي الاسلامي
avatar

انثى
عدد الرسائل : 302
تاريخ التسجيل : 02/08/2007

مُساهمةموضوع: رد: طلعت فوق السطوح هز الهوا كمي ...كل البنات اتجوزت و انا قاعده   2007-09-09, 10:10 pm

ههههههههههههههههه

موضوع هايل كالعادة يا ملاك
بس بجد معظم البنات اللى بتعنس علشان عاوزة واحد كامل من مجاميعة
و بردو الشاب عاوز واحدة تناسب سيادتة الدكتور بيدور على دكتورة و السباك بيدور على دكتورة
و بعدين يجوا على حكاية الجهاز
البنت بتخرب بيت ابوها علشان تتجوز
اشى اية و معرفش اية حاجات غريبة بيجيبوها بس علشان الناس مايتكلموش و يقولوا دول مهنش عليهم يجيبوا معرفش اية
والشاب يا عينى لازم شقة و معظم البنات مش بتوافق على بيت العيلة لازم شقة برة
ما فى مشكلة اسكان ..لا مليش دعوة
غير بقى هيجهز اية فى الشقة ربنا يكون فى عونهم
و فى الاخر
انا بنصح البنات
انتى لية تتجوزى واحد وتشيلى المسؤلية . لا و اية عاوزك تبقى الخدامة بتاعتة
تطبخى و تغسلى لحضرتة اصلة متجوز خدامة كان عاوز يشيل الحمل عن مامتة
و تيجى انتى من اول طلب مجرد تيجى تقولى لة عاوزة و لسة مكملتيش
يقوم قايل لك يا فتاح يا عليم و انتى مبتقدريش الظروف و انتى و انتى
محاضرة
الواحدة تقعد فى بيت ابوها معززة مكرمة
و متقوليش حجة و معرفش اية
لا انا من اكتر الاشخاص اللى معادية لفكرة الزواج دى
بلا جواز بلا نيلة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dm3tain
مشرفـة المنتدي الاسلامي
مشرفـة المنتدي الاسلامي
avatar

انثى
عدد الرسائل : 302
تاريخ التسجيل : 02/08/2007

مُساهمةموضوع: رد: طلعت فوق السطوح هز الهوا كمي ...كل البنات اتجوزت و انا قاعده   2007-09-09, 10:19 pm

اسفة يا جميل دا انا طولت عليكى جامد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fireangle

avatar

انثى
عدد الرسائل : 59
العمر : 28
العمل/الترفيه : بحب الرخامه
تاريخ التسجيل : 29/07/2007

مُساهمةموضوع: رد: طلعت فوق السطوح هز الهوا كمي ...كل البنات اتجوزت و انا قاعده   2007-10-20, 12:46 am

صباح الخير يا جماعه ان كان صباحكم ومساء الخير ان كان مساءكم
انا طبعا مقدرش اشوف موضوع هايل زى ده ومردش فيه ومشكرش صحبته كمان
بعد الشكر على الموضوع والذى منه
احب اقول رايى المتواضع فى الموضوع الجميل ده
اولا لازم كلنا نعرف ان الجواز نصيب وبمعاد زى الموت بالظبط
ثانيا احب اقول لساره ان مفيش حاجه اسمها بلا جواز بلا نيلة كل بنت وكل ولد نفسه يتجوز
ان مكانش عشان الحب فهو علشان يحمى نفسه من الرذيله وطبعا كلكم فاهمين
ثالثا وهو الاهم دلوقتى قليل اوى انك تلاقى اهل العروسه بيتشرطوا يعنى مجرد انه عنده شقه
يبقى خير وبركه وبيوافقوا على طول وبيدوا مهله للعرسان سنتين او حاجه عشان اللى مش جاهز
يجهز نفسه وبعدين كلكم عاملين ان الجواز مشكله وهو مش مشكله خالص انا شايفاه انه سهل
مش صعب للدرجه لان ابو العريس بيساعده جامد فى الشقه وفى معظم الحاجات
اما عن كلامك يا ساره ان البنات تقول لأ متجوزش فى بيت عيله احب اقول ان ده من حقها
لان معظم الجوازات اللى بتبقى فى بيت عيله بتبقى عيشه نكد وانا بقول معظمها عشان محدش يتكلم
نيجى لأزمة الاسكان لو بصيتى هتلاقى عندك مدن كتير فاضيه زى 6 اكتوبر والعبور والشروق
ومساكن للشباب ياما وللعلم بقى معظمهم رخيص بس احنا نبص على الشباب دلوقتى معظمهم
معاهد خاصة ومعندهمش اى خبره فى اى حاجه وكله بيقول المجتمع والناس ومصر وعايز اهاجر
كلام كله فاضى لكن انا بشوف شباب ما شاء الله عليهم بيذاكروا ويدخلوا كليات كويسه ويوفروا
مصاريف المعاهد الخاصه اللى اقلها 20 الف جنيه فى الاربع سنين كتب ومواصلات وايه وايه
وبعدين يشتغل بضمير واحده واحده ربنا بيفتحها عليه ويتجوز و يخلف وكل حاجه بس لو كل
واحد ينظم حياته ويتعب شويه مش كل حاجه عايزها من اهله
انا حاسه انى طولت عشان كده مش هكمل بس الموضوع لذيذ واللى شايف حاجه فى كلامى
غلط يا ريت يناقشنى
تحياتى للجميع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rest in peace

avatar

ذكر
عدد الرسائل : 153
العمر : 30
العمل/الترفيه : peace
المزاج : عادى
تاريخ التسجيل : 31/08/2007

مُساهمةموضوع: رد: طلعت فوق السطوح هز الهوا كمي ...كل البنات اتجوزت و انا قاعده   2007-10-23, 8:46 pm

هههههههههههههه
جميل جدا قصه مضحكه جدا Very Happy
بس بجد انتى مريتى بالقصه دى ولا لا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.moon-light.yoo7.com
الملاك العربي
طاقــم الإدارة
طاقــم الإدارة
avatar

انثى
عدد الرسائل : 210
العمر : 37
تاريخ التسجيل : 28/08/2007

مُساهمةموضوع: رد: طلعت فوق السطوح هز الهوا كمي ...كل البنات اتجوزت و انا قاعده   2007-10-25, 11:51 am

بص يا جميل
علشان ما نبقاش كدابين مفيش واحدة في الوقتده مش حاسة انها سلعة وانها هتتباع للي هيدفع اكتر وتكون مؤهلاته احسن
يعني اللي معاه هو اللي هيفوز
ولا انا غلطانه
بس برضو الله يكون في عونا قوي عارفين ليه
لأن القرار مش بايدينا
بأيد المجتمع المتخلف اللي احنا عايشين فيه
ميرسي علي مرورك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rest in peace

avatar

ذكر
عدد الرسائل : 153
العمر : 30
العمل/الترفيه : peace
المزاج : عادى
تاريخ التسجيل : 31/08/2007

مُساهمةموضوع: رد: طلعت فوق السطوح هز الهوا كمي ...كل البنات اتجوزت و انا قاعده   2007-10-26, 12:31 am

بس احنا كده قلبناها مزاد مش علنى
يعنى كده الحب اتلغا من منهج الحياه
وبقت سلطه ونفوذ وصاحب المال
ولا انا غلطان
وعلى فكره ممكن يكون بايدينا مش بايد المجتمع
وبيس على الرد الجميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.moon-light.yoo7.com
 
طلعت فوق السطوح هز الهوا كمي ...كل البنات اتجوزت و انا قاعده
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ضـــي القمــــــــر :: المنتــــــــدي العـــــــــام :: قســـــم المــــرأه والطفــــــــل-
انتقل الى: