| الى كل فتاه هذه نصائيح لكى اثناء الخطوبه | |
|
+3أحمد السويسى HaZoOoMa الملاك العربي 7 مشترك |
كاتب الموضوع | رسالة |
---|
الملاك العربي طاقــم الإدارة
عدد الرسائل : 210 العمر : 44 تاريخ التسجيل : 28/08/2007
| موضوع: الى كل فتاه هذه نصائيح لكى اثناء الخطوبه 2007-10-09, 12:21 am | |
|
العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..
أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....
1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا
2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....
3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك.. بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....
4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..
5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..
6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..
7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..
8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا ..لآ ...لآ ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..
9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....
10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه..... وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك.. وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفاااااااااااا
طبعا عاوزة تعليقات الشباب اللي زي الفل اللي في المنتدي الي اللقاء مع نصائح جديدة
| |
|
| |
HaZoOoMa الإداره
عدد الرسائل : 301 العمر : 36 تاريخ التسجيل : 20/07/2007
| موضوع: رد: الى كل فتاه هذه نصائيح لكى اثناء الخطوبه 2007-10-10, 4:41 pm | |
| ههههههههههههههه انا شايف انهم ولا ياكلوا ولا يشربوا احسن ده انتي عقدتيهم في كل حاجه والمشكله ان محدش بيعمل حاجه من الحاجات دي ههههههه اصل الفلح شغال عندنا زي الفل هههههههههههههه ومتنسيش تبقي تقوليلهم ميقعدوش يقربوا منهم علشان يعملوا حاجه عيب هههههههه خليكي تقيله ههههههههههه تحياتي ليكي يا قمرايه بس الشباب مش بيحتاجوا الحاجات دي خالص هههههههههه
| |
|
| |
الملاك العربي طاقــم الإدارة
عدد الرسائل : 210 العمر : 44 تاريخ التسجيل : 28/08/2007
| موضوع: رد: الى كل فتاه هذه نصائيح لكى اثناء الخطوبه 2007-10-10, 7:39 pm | |
| يابني مانا عارفه هو الشباب اليومين دول لاقي يا عيني حتي يأكل نفسه لما هيعزم علي الاكل كمان اهو احلام ههههههههههههه | |
|
| |
HaZoOoMa الإداره
عدد الرسائل : 301 العمر : 36 تاريخ التسجيل : 20/07/2007
| موضوع: رد: الى كل فتاه هذه نصائيح لكى اثناء الخطوبه 2007-10-11, 1:35 am | |
| ههههههههههههههه الحلم ما هو مستحيل طالما تحقيقه (( مستحيل برضه )) ههههههههههههه | |
|
| |
أحمد السويسى
عدد الرسائل : 69 العمر : 44 العمل/الترفيه : موظف بشركة شل للبترول بالسويس المزاج : رايق تاريخ التسجيل : 02/08/2007
| موضوع: رد: الى كل فتاه هذه نصائيح لكى اثناء الخطوبه 2007-10-11, 5:16 pm | |
| الناس دلوقتى مش محتاجة شوكة ولا سكينة
الحمد لله الطوب اللى فى العيش قايم بالواجب وزيادة
والنصائح دى على الله حد ياخد بيها أحسن الراجل هيقول عليكى توتى
والرجالة مبيحبوش الواحدة التوتى ... رقيقة اه لكن مش توتى
هههههههههه
جميل الموضوع يا ملاك | |
|
| |
الملاك العربي طاقــم الإدارة
عدد الرسائل : 210 العمر : 44 تاريخ التسجيل : 28/08/2007
| موضوع: رد: الى كل فتاه هذه نصائيح لكى اثناء الخطوبه 2007-10-13, 10:43 pm | |
| توتي ايه بس يا راجل ولو احنا توتي كنا عرفنا نتعامل اليومين دول مع الرجاله اهو مجرد محاولات لأستعادة ما تبيقي من عهد الانوثة هههههههههه | |
|
| |
أحمد السويسى
عدد الرسائل : 69 العمر : 44 العمل/الترفيه : موظف بشركة شل للبترول بالسويس المزاج : رايق تاريخ التسجيل : 02/08/2007
| موضوع: رد: الى كل فتاه هذه نصائيح لكى اثناء الخطوبه 2007-10-14, 1:06 am | |
| ههههههههههههههههههه حلوة دى | |
|
| |
الملاك العربي طاقــم الإدارة
عدد الرسائل : 210 العمر : 44 تاريخ التسجيل : 28/08/2007
| موضوع: رد: الى كل فتاه هذه نصائيح لكى اثناء الخطوبه 2007-10-14, 3:01 pm | |
| والاحلي ان ابو عمرو رد عليه ومروره يشرفني | |
|
| |
أحمد السويسى
عدد الرسائل : 69 العمر : 44 العمل/الترفيه : موظف بشركة شل للبترول بالسويس المزاج : رايق تاريخ التسجيل : 02/08/2007
| موضوع: رد: الى كل فتاه هذه نصائيح لكى اثناء الخطوبه 2007-10-14, 5:19 pm | |
| الله يخليكى يا رب يا ملاك | |
|
| |
الملاك العربي طاقــم الإدارة
عدد الرسائل : 210 العمر : 44 تاريخ التسجيل : 28/08/2007
| موضوع: رد: الى كل فتاه هذه نصائيح لكى اثناء الخطوبه 2007-10-14, 5:34 pm | |
| ويخليك لأم عمرو وعمرو وللمنتدي يا رب | |
|
| |
DEVIL طاقــم الإدارة
عدد الرسائل : 335 العمر : 36 العمل/الترفيه : بشتغل نفسى المزاج : VERY BAD تاريخ التسجيل : 29/07/2007
| موضوع: رد: الى كل فتاه هذه نصائيح لكى اثناء الخطوبه 2007-10-17, 12:00 am | |
| هههههههههههههههههههههههههه نيس نيس توبك بس كده البنات هتبقى نوتى زى مقالت الاخت هيفاء وهبى هههههههههههههههههههههه | |
|
| |
fireangle
عدد الرسائل : 59 العمر : 35 العمل/الترفيه : بحب الرخامه تاريخ التسجيل : 29/07/2007
| موضوع: رد: الى كل فتاه هذه نصائيح لكى اثناء الخطوبه 2007-10-20, 1:02 am | |
| هههههههههههههههههههه بقى احنا بنعمل كده يا ملاك شردتى البنات والله وبعدين ليه التمثيل يعنى ماهو هيشوفنا واحنا فى بيتنا يعنى اضحك عليه من اولها فى الجواز لازم كل حاجه تبقى على نور وبعدين هو انا قاعده مع بروس ويلز ولا انطونيو بانديرس عشان اعمل كده انتى هتلاقيكى مع فتحى وحنفى وحاجات غريبه كده يا ستى كله على الله وتحياتى ليكى | |
|
| |
dm3tain مشرفـة المنتدي الاسلامي
عدد الرسائل : 302 تاريخ التسجيل : 02/08/2007
| موضوع: رد: الى كل فتاه هذه نصائيح لكى اثناء الخطوبه 2007-10-20, 1:20 am | |
| هههههههههههههههههه دا انتى شردتينا يا بنتى حرام عليكى طب اقفى مع اخواتك و انصرى الغلابة هههههههههه بس دى ماشى البنت هاتعمل كدة الولد بقى يعمل اية و هو يعنى توم كروز زى نها ماقالت توبيك جميل يا جميل تسلم ايديكى | |
|
| |
rest in peace
عدد الرسائل : 153 العمر : 36 العمل/الترفيه : peace المزاج : عادى تاريخ التسجيل : 31/08/2007
| موضوع: رد: الى كل فتاه هذه نصائيح لكى اثناء الخطوبه 2007-10-23, 8:24 pm | |
| بقى فى حد بعد الاكله دى وياكل فول وطعميه تبقى معندهاش دم ومفجوعه بس بجد شكرا على النصايح دى علشان الواحد ميتغرش | |
|
| |
| الى كل فتاه هذه نصائيح لكى اثناء الخطوبه | |
|